Lompet in televisione “Popai su marineri” traduidu in sardu. Su cartone animadu, chi in Itàlia est famadu cun su nùmene de “Braccio di ferro”, at a èssere dae oe in Telesardegna Nùgoro onni mèrcuris a sas 21,30 e cada chenàbura a sas 21.

Chie l´at fraigadu est istadu s´assòtziu Tramudadas de Pabillonis chi dae tempus traballat a custu progetu e chi est resèssidu a interessare àteras persones de gabbale, comente Antoni Ignàtziu Garau, chi at a conduire su programma, Piero Obinu, chi at a prestare sa boghe a Bluto e finamentas sa domo de imprenta NOR chi at a contivigiare su cartone, e galu àtera gente (inoghetotus sas informatziones).

Su programma est istadu produidu gràtzias a su contributu de sa Regione Autònoma de Sardigna cun su fundu Imprentas 2020-2021 e at a èssere trasmitidu finas a su deghessete de nadale.

https://salimbasarda.net/popai-in-sardu-cada-mercuris-e-chenabura/